დინამო არენა.

ქ. თბილისის ბორის პაიჭაძის სახელობის „დინამო არენა“

„დინამო არენა“ — ჩვენი ქვეყნის უპირველესი სპორტული არენა — ჩვენი კომპანიისთვის განსაკუთრებული მნიშვნელობისაა.

2011 წელს სწორედ ამ ახლადრეაბილიტირებული სტადიონის განათება გახდა ჩვენი კომპანიის პირველი უმნიშვნელოვანესი პროექტი.

2015 წელს კი, უეფას სუპერთასის ფინალური მატჩის ჩატარებისთვის (უეფას ეგიდით), განხორციელდა „დინამო არენა“-ს სრული რეაბილიტაცია. ამავე დროს მიღებულ იქნა გადაწყვეტილება მოედნის განათების სრული განახლების შესახებ.

შეიცვალა არსებული 198 ცალი პროჟექტორი და დამატებით დამონტაჟდა კიდევ 52 ცალი, რათა მიღწეულიყო იმ დროისთვის ყველაზე მაღალი — „ფინალი“ კლასის განათება.

ორივე შემთხვევაში გამოყენებული იქნა ჩვენი იტალიელი პარტნიორის Fael Luce-ის წარმოების Light Master One 2000W პროჟექტორები, დაკომპლექტებული Philips-ის მეტალჰალოგენური ნათურებით.

მესამე — და ამჟამად მოქმედი — განათების სისტემა ჩვენი გუნდის მიერ დამონტაჟდა მუნიციპალური განვითარების ფონდის და შპს „გლობალ სტანდარტ მშენ“-ის შეკვეთით, უეფას 2023 წლის ახალგაზრდული ევროპის ჩემპიონატის მასპინძლობის ფარგლებში.

ამ პროექტის ფარგლებში დამონტაჟდა დღეისათვის სპორტული განათების საუკეთესო LED პროჟექტორები: Philips ArenaVision LED gen3.5.

მიღწეული შედეგი სრულად შეესაბამება უეფას 2021 წლის „Elite A“ კატეგორიის მოთხოვნებს.